ଗପୁ

୩ ଦିନ ତଳେ ମା'କୁ ନେଇକି ଟୀକା ପାଇଁ ଯାଇଥିଲି । ଗୋଟେ ଲୋକ ସ୍କୁଟିରେ ଆସିଥିଲା ଆଉ ପ୍ରବଳ ଭିଡ଼ ଦେଖିକି ବହେ ଚିଲେଇଲା । ଟୁଇଟ୍ କରିବି, କଲେକ୍ଟର୍‌କୁ ଫୋନ୍ କରିବି, ଇତ୍ୟାଦି... ଆଉ କହିଲା ଏମିତି ଲୋକଙ୍କ ପାଇଁ ଏଠି ଟୀକା ନୁହେଁ କରୋନା ନେଇକି ଘରକୁ ଯିବାକୁ ହେବ । ସବୁ ଲୋକ ତା' କଥାକୁ ଶୁଣିଲେ ଆଉ ଦୂରେଇଗଲେ । ସେ ଲୋକ ଏମିତି ଚିଲେଇକି ଭାଷଣ ଦେଇକି ଆଗରେ ପହଞ୍ଚିଗଲା; କିଛି ସମୟରେ ସବୁ ଶାନ୍ତ ହେଲାପରେ ସେ ତ ଆଗରେ ଥିଲା ଆଉ ଚୁପ୍‌କିନା ଯାଇକି ଟୀକା ନେଇଗଲା ।

"ତେଣୁ କିଛି ନଶୁଣି #ଟୀକା ନିଅନ୍ତୁ । ହଁ ଆପଣ ଯୋଗ ବି କରନ୍ତୁ, #କାଢ଼ା ବି ପିଅନ୍ତୁ, ଇଚ୍ଛା ହେଲେ ନାକରେ କି ଯେଉଁଠି ହେଲେ ଲେମ୍ବୁ ବି ପକାନ୍ତୁ, ହେଲେ #ଟୀକାନିଅନ୍ତୁ ।"

- ଗପୁ

କେତେବେଳେ ସେ ଖଳନାୟକ ସାଜି ନେଉଳ ପୋଷୁଥିଲେ ତ ପୁଣି କେବେ ଗୋପାଳ ଭାଣ୍ଡ ସାଜି ଦର୍ଶକମାନଙ୍କୁ ହସେଇ ହସେଇ ବେଦମ କରାଉଥିଲେ ଆଉ ପୁଣି କେବେ ଲକ୍ଷ୍ମୀର ଅଭିସାର କରି ରାଜ୍ୟ ଚଳଚ୍ଚିତ୍ର ପୁରସ୍କାର ହାତେଇଥିଲେ । ହୁଏତ ଆରମ୍ଭରୁ ଅଭିନୟ ପ୍ରତି ଆକର୍ଷିତ ନଥିଲେ ସେ, କିନ୍ତୁ ଶେଷ ନିଶ୍ୱାସ ତାଙ୍କର ସେହି ଅଭିନୟରେ ଥିଲା ।

ନାଟକର ଶେଷ ଦୃଶ୍ୟରେ ହୃଦ୍‌ଘାତର ଅଭିନୟ କରୁକରୁ ଯେ ସତରେ ସେ ହୃଦ୍‌ଘାତରେ ଚାଲିଯିବେ ତାହା କେହି ଭାବିନଥିଲେ । ସେହି ମହାନ କଳାକାର ରବି ମିଶ୍ରଙ୍କୁ ଶୁଭପଲ୍ଲବ ପରିବାର ତରଫରୁ ଶ୍ରଦ୍ଧାଞ୍ଜଳୀ ଜ୍ଞାପନ କରୁଛୁ ଏବଂ ତାଙ୍କର ଅମର ଆତ୍ମାର ସଦ୍‌ଗତି କାମନା କରୁଛୁ ।