ଶୋଇବାକୁ ଚାହିଁଲେ ବି ମୁଁ ପାରୁନି ଶୋଇ,
ପ୍ରେମ ମୋ ବଢ଼ିଯାଏ ତମ ଉଷ୍ମ ସ୍ପର୍ଶ ପାଇ ।
ତମର ମୋର ଏହି ପ୍ରେମ ସଦା ହେଉ ଅମର,
ତମେ ରୁହ ହୋଇ ମୋ ପ୍ରେମିକା ମୁଁ ପ୍ରେମିକ ତମର ।
ତମ ଆମ ସମ୍ପର୍କକୁ ବଖାଣିବାକୁ ମୁଁ ପାଉନି ଭାଷା,
କେମିତି ଦୁନିଆ ଆଗରେ ରଖିବି ଆମ ପ୍ରେମର ପରିଭାଷା ।
ଦୁଃଖରେ କି ସୁଖରେ ଦୂରେଇ ଦେଇ କେବେ କରିନ ପର,
ସଦା ଭାବ କି ମୁଁ ଏକ ହିଁ ତମର, ତମ ବିନା ନାହିଁ କେ ନିଜର ।
କେବେ କେବେ ନିଜଠାରୁ ଦୂରେଇ ଦିଏ ଯେବେ ତମକୁ,
ତମେ ମନ ଉଣା ନ କରି ସଦା ଲାଘବ କର ମୋ ଦୁଃଖକୁ ।
ତମ ମନେ କେବେ ଦେଖି ନାହିଁ ଛନ୍ଦ, କପଟ କି ହତାଦର,
ତମେ ସଦା ରୁହ କେବଳ ହୋଇ ମୋର ଆଉ ମୁଁ ଏକ ତମର ।
ତମେ ମୋ ପ୍ରେମିକା ମୋ ଆଦରର ମୋବାଇଲ ଫୋନ,
ସବୁବେଳେ ମୁଁ ହିଁ ସଜୁଥିବି ତମର ପ୍ରେମୀ ନମ୍ବର ୱାନ ।
- ସଂଗ୍ରାମ କେଶରୀ ସେନାପତି (ଗପୁ)
